doc

Азаматтарды қабылдау кестесі
Мемлекеттік қызмет

«Архивтік анықтамалар, архивтік құжаттардың көшірмелерін немесе архивтік үзінділер беру» мемлекеттік қызметті көрсету ттәртібі

01

Мемлекеттік қызметке өтініш

Мемлекеттік көрсетілетін қызметті алу үшін жеке және заңды тұлғалар сұраныспен көрсетілетін қызметті берушінің кеңсесіне, «Азаматтарға арналған үкімет» Мемлекеттік корпорациясы» коммерциялық емес акционерлік қоғамына немесе «электрондық үкімет» www.egov.kz веб-порталы арқылы жүгінеді.

02

Мемлекеттік архив

Мемлекеттік қызметті «Қазақстан Республикасының Ұлттық архиві» республикалық мемлекеттік мекемесі, орталық мемлекеттік архивтер, жергілікті атқарушы органдардың, астананың, облыстардың, республикалық маңызы бар қалалардың, қалалардың, аудандардың мемлекеттік архивтері көрсетеді.

03

Қызмет көрсету мерзімі

Мемлекеттік қызметті көрсету нәтижесі 11 (он бір) жұмыс күні ішінде беріледі.

04

Мерзімін ұзарту

Мемлекеттік көрсетілетін қызметті көрсету үшін екі және одан да көп ұйымдардың және (немесе) 5 (бес) жылдан астам кезеңнің құжаттарын зерделеу қажет болған жағдайда, мемлекеттік көрсетілетін қызмет мерзімі 25 (жиырма бес) жұмыс күнінен аспайтын мерзімге ұзартылады.

05

Электрондық архив

Қазақстан Республикасы Бас Прокурорының 2023 жылғы 4 қаңтардағы № 4 бұйрығымен бекітілген Мемлекеттік органдарға, жергілікті өзін-өзі басқару органдарына, мемлекет жүз пайыз қатысатын заңды тұлғаларға келіп түсетін жолданымдарды тіркеу, есепке алу, сондай-ақ «Электрондық жолданымдар» ақпараттық-талдау жүйесін жүргізу қағидаларының 15 тармағына сәйкес «е-Otinish» ақпараттық жүйесі арқылы келіп түскен сұраныстар қоса берілген құжаттармен бірге «Е-Архив» ақпараттық жүйесіне көшіріледі және жауап сұрауда көрсетілген мекенжайға пошта байланысы арқылы жіберіледі.

06

Мемлекеттік қызмет тегін көрсетіледі

«Архивтік анықтамалар, архивтік құжаттардың көшірмелерін немесе архивтік үзінділер беру» мемлекеттік қызметі тегін көрсетіледі.

Сіздерді біздің сайтта қарсы алғанымызға қуаныштымыз!

Мемлекеттік архив қызметінің мақсаты мемлекеттік қорғауды, архив құжаттарын тұрақты сақтауды, толықтыруды және есепке алуды ұйымдастыру ғана емес, сонымен қатар архив құжаттарын қоғам мен халықтың игілігі үшін пайдалануды ұйымдастыру болып табылады.

Архив туралы

Жаңалықтар

Барлық жаңалықтар
26.09.2026
26 қыркүйек күні «Алматы облысының мемлекеттік архиві» КММ-нің қызметкерлері және SDU университетінің студентерімен бірлесіп «Қызмет алушылар күні» атты дөңгелек үстел өткізді

Іс-шара мақсаты: Мемлекеттік қызмет алушыларға көрсетілетін мемлекеттік қызметтердің тәртібі, мерзімдері мен қолжетімділігі, қажетті құжаттар, қызмет алушылардың құқықтары, жұмыспен қамту және әлеуметтік қорғау, еңбек мобилділігі салаларындағы мемлекеттік қызметкер бойынша ақпараттық — түсіндіру жұмыстарын жүргізуге және кеңес беруге бағытталады.

19.09.2026
«Алматы облысының мемлекеттік архиві» КММ-сі және SDU университетінің студентерімен бірлесіп 26 қыркүйек күні «Қызмет алушылар күні» тақырыбында дөңгелек үстел өткізілетін хабарлайды

Аталған іс-шара мемлекеттік қызмет алушылардың құқықтары мен заңды мүдделерін түсіндіруге, көрсетілетін мемлекеттік қызметтердің сапасы мен қолжетімділігі туралы ақпарат беруге, сондай-ақ мемлекеттік қызметтерді алу тәртібі бойынша ақпараттық-түсіндіру жұмыстарын жүргізуге бағытталады.

Дөңгелек үстел барысында мемлекеттік қызмет алушыларға көрсетілетін мемлекеттік қызметтердің түрлері, оларды алу тәртібі, көрсетілу мерзімдері, қажетті құжаттар тізбесі және мемлекеттік қызметтерді алу мүмкіндіктері туралы жан-жақты түсіндірме беріледі. Сонымен қатар, іс-шара барысында қызмет алушылардың құқықтары мен міндеттері, мемлекеттік қызметтерді алу кезінде туындайтын мәселелер, өтініштерді қарау тәртібі және көрсетілетін қызметтердің қолжетімділігі мәселелері бойынша ақпарат ұсынылады.

Іс-шара барысында қатысушыларға мемлекеттік қызметтерді алу кезінде қажетті құжаттарды дұрыс рәсімдеу, өтініш беру тәртібі, мемлекеттік қызметтерді электрондық түрде алу мүмкіндіктері және қызмет алушылардың құқықтарын қорғау мәселелері бойынша түсіндірмелер беру көзделеді.

21.05.2026
15 мамыр күні «Алматы облысының мемлекеттік архиві» КММ базасында «Архивтік құжаттарды цифрланды

15 мамыр күні «Алматы облысының мемлекеттік архиві» КММ базасында «Архивтік құжаттарды цифрландыру» тақырыбында облыстық архивке қатысты филиал директорларының қатысуымен семинар-кеңес өткізілді.
Аталмыш іс-шара барысында мемлекеттік сақтаудағы қағаз жүзіндегі құжаттарды цифрландыру мәселелеріне қатысты негізгі сұрақтар қарастырылып, бірқатар мәселелер талқыланды

11.08.2025
«Архив құжаттарын пайдалану және жариялау» және «Е-Архив АЖ жұмыс жасау» тақырыбында семинар

  Алматы облысының орталығы Қонаев қаласында Қазақстан Республикасы Мәдениет және ақпарат министрлігі Архив, құжаттама және кітап ісі комитетінің бастамасымен, Алматы облысы әкімдігінің ұйымдастыруымен «Архив құжаттарын пайдалану және жариялау» және «Е-Архив АЖ жұмыс жасау» тақырыптарында екі күндік өңірлік семинар өтті.
            Аталмыш іс-шара барысында өңірлердегі архив ісі саласында семинар тақырыптарына сай жұмыс туындайтын мәселелер талқыланып, әртүрлі тақырыптарда баяндамалар оқылып, мамандар тәжірибелерімен бөлісті. Сондай-ақ, «Алматы облысының мемлекеттік архиві» КММ-нің мемлекеттік сақтауындағы құжаттардың негізінде Ұлы Отан соғысындағы Жеңістің 80 жылдығына орай «Теңдесі жоқ тарихи Жеңіс» және «Халқы қадірлеген» атты фотоқұжаттық көрмелер таныстырылды.
           Семинарға Қазақстан Республикасы Мәдениет және ақпарат министрлігі Архив, құжаттама және кітап ісі комитетінің Мемлекеттік саясат және нормативтік- құқықтық реттеу басқармасының басшысы – Салтанат Нұртасқызы Тащанова, «IServ» ЖШС жоба менеджері – Дана Ануарбековна Балтабекова, сонымен қатар Алматы облысының мәдениет, архивтер және құжаттама басқармасының қызметкерлері, өңірлік архивтердің басшылары мен мамандары қатысты.